| Carl Edlund Anderson | |
| "Twa Corbies" | |
| As I was walking all alane, I heard twa corbies making a mane; And t'ane untae the t'other say-o, Where sall we gang and dine to-day-o? Where sall we gang and dine to-day? In behind yon auld fail dyke, I wot there lies a new slain knight; And naebody kens that he lies there-o But his hawk, his hound, and lady fair-o, His hawk, his hound, and lady fair. His hound is to the hunting gane, His hawk to fetch the wild-fowl hame, His lady's ta'en another mate-o, So we may mak our dinner sweet-o, We may mak our dinner sweet. O you sit on his white hause-bane, And I'll pike out his bonny blue een. Wi' many lock o his golden hair-o We'll theak our nest when it grows bare-o, Theak our nest when it grows bare. O many a one for him makes mane, But nane shall ken where he is gane. Oer his white banes, when they are bare-o The wind shall blow for evermair-o, The wind shall blow for evermair. |
|